Codsi shaqo waa dukumenti muhiim ah oo kuu suurta-gelinaya inaad la wadaagto shaqo-bixiyaha sababta aad ugu qalanto booska la raadinayo. Qoraalka codsiga shaqada waa inuu ahaadaa mid nadiif ah, xirfad leh, oo soo jiidasho leh si uu kuu siiyo fursad aad uga dhex muuqato musharrixiinta kale. Halkan waxaan ku soo bandhigi doonaa talooyin ku saabsan sida loo qoro codsi shaqo oo guul leh.
1. Ku Bilaaw Salaan Sax ah
Codsigaaga ku bilaaw salaan xirfadeed oo toos ah. Haddii aad ogtahay magaca shaqo-bixiyaha ama cida codsiga aqrin doonta, ku xus magacooda si ay u dareemaan in qoraalkaaga uu yahay mid khaas ah. Tusaale: “Mudane/Marwo [Magaca],”. Haddii aadan hubin magaca, waxaad isticmaali kartaa salaan guud sida “Mudane/Marwo Maamulka Shaqada.”
2. Ugu Horreyn Ku Caddee Ujeeddadaada
Qeybta hore ee codsiga ku caddee shaqada aad codsaneyso iyo sababta aad u xiiseyneyso booskaas. Tusaale ahaan, waxaad dhihi kartaa:
“Waxaan ku faraxsanahay fursadda aan ku codsanayo booska [Magaca Shaqada] ee shirkadda [Magaca Shirkadda]. Waxa aan rumeysnahay in xirfadeyda iyo waayo-aragnimadayda ay si fiican ugu habboon yihiin shuruudaha booska.”
3. Faahfaahi Xirfadahaaga iyo Khibradahaaga
Waa muhiim inaad si kooban uga hadasho xirfadahaaga iyo khibradahaaga la xiriira shaqada aad codsaneyso. Xus waxyaabaha kuu gaar ah ee kaa dhigaya musharrax ku habboon. Ku dar tusaalooyin ficil ah sida guulaha aad gaartey ama mashaariicda aad ka qaybqaadatay. Tusaale:
“Waxaan leeyahay 3 sano oo waayo-aragnimo ah oo ku saabsan maaraynta mashaariicda, aniga oo ku guuleystay in aan kordhiyo dakhliga shirkadda 15% muddo sanad ah.”
4. Muujinta Rabitaankaaga iyo Dadaalkaaga
Codsigaagu ha muujiyo inaad tahay qof xiiseynaya shaqada oo diyaar u ah inaad dadaal geliso. Tusaale ahaan, waxaad dhihi kartaa:
“Waxaan ka go’an tahay in aan kaalin mug leh ka qaato horumarinta kooxda [Magaca Shirkadda] aniga oo adeegsanaya xirfadeyda iyo kartideyda.”
5. Soo Gebogabee Codsigaaga
Ku soo gabagabee codsigaaga si xirfad leh adigoo mahadnaqaya shaqo-bixiyaha waqtiga uu u qoondeeyey akhrinta codsigaaga. Ku dar inaad diyaar u tahay waraysi si aad uga hadashid wax dheeraad ah.
Tusaale:
“Waxaan ku farxi lahaa inaan si dhow uga hadlo sida ay xirfadeydu uga caawin karto [Magaca Shirkadda]. Waxaan sugayaa in aan suurtagal iigu noqoto inaan kula kulmo si aan uga jawaabo su’aalahaaga.”
Hadii aad isleedahay way kugu adag tahay inaad qortid codsi shaqo, waxaan hoos kugula wadaagayaa codsi shaqo oo aan usoo diyaariye. Riix link ga hoose si aad ula dagto.
Halkaan Hoose Kala Deg Codsi Shaqo Oo Aad Badali Kartid
